Leendert Mentz

1Ko 12:1  En wat die geestelike gawes betref, broeders, wil ek nie hê dat julle onkundig moet wees nie.

1Ko 12:2  Julle weet dat julle heidene was, weggevoer na die stomme afgode net soos julle ook al gelei is.

1Ko 12:3  Daarom maak ek julle bekend dat niemand wat deur die Gees van God spreek, Jesus ‘n vervloeking noem nie; en niemand kan sê dat Jesus die Here is nie, behalwe deur die Heilige Gees.

1Ko 12:4  Daar is wel verskeidenheid van genadegawes, maar dit is dieselfde Gees;

1Ko 12:5  en daar is verskeidenheid van bedieninge, en tog is dit dieselfde Here;

1Ko 12:6  en daar is verskeidenheid van werkinge, en tog is dit dieselfde God wat alles in almal werk.

1Ko 12:7  Maar aan elkeen word die openbaring van die Gees gegee met die oog op wat nuttig is.

1Ko 12:8  Want aan die een word deur die Gees ‘n woord van wysheid gegee, en aan die ander ‘n woord van kennis vanweë dieselfde Gees;

1Ko 12:9  aan ‘n ander weer geloof deur dieselfde Gees, en aan ‘n ander genadegawes van gesondmaking deur dieselfde Gees;

1Ko 12:10  aan ‘n ander werkinge van kragte, aan ‘n ander profesie, aan ‘n ander onderskeiding van die geeste, aan ‘n ander allerhande tale, aan ‘n ander uitleg van tale.

1Ko 12:11  Maar al hierdie dinge werk een en dieselfde Gees wat aan elkeen afsonderlik uitdeel soos Hy wil.

Maar die vrug van die Gees is

liefde,
blydskap,
vrede,
lankmoedigheid,
vriendelikheid,
goedheid,
getrouheid,
sagmoedigheid,
selfbeheersing.

Mat 22:35  En een van hulle, ‘n wetgeleerde, het ‘n vraag gestel om Hom te versoek en gesê:

Mat 22:36  Meester, wat is die groot gebod in die wet?

Mat 22:37  En Jesus antwoord hom: Jy moet die Here jou God liefhê met jou hele hart en met jou hele siel en met jou hele verstand.

Mat 22:38  Dit is die eerste en groot gebod.

Mat 22:39  En die tweede wat hiermee gelykstaan: Jy moet jou naaste liefhê soos jouself.

Mat 22:40  Aan hierdie twee gebooie hang die hele wet en die profete.

Mat 6:9  Só moet julle dan bid: Onse Vader wat in die hemele is, laat u Naam geheilig word;

Mat 6:10  laat u koninkryk kom; laat u wil geskied, soos in die hemel net so ook op die aarde;

Mat 6:11  gee ons vandag ons daaglikse brood;

Mat 6:12  en vergeef ons ons skulde, soos ons ook ons skuldenaars vergewe;

Mat 6:13  en lei ons nie in versoeking nie, maar verlos ons van die Bose. Want aan U behoort die koninkryk en die krag en die heerlikheid tot in ewigheid. Amen.

Eks 20:1 Toe het God al hierdie woorde gespreek en gesê:

Eks 20:2 Ek is die HERE jou God wat jou uit Egipteland, uit die slawehuis, uitgelei het.

Eks 20:3  Jy mag geen ander gode voor my aangesig hê nie.

Eks 20:4  Jy mag vir jou geen gesnede beeld of enige gelykenis maak van wat bo in die hemel is, of van wat onder op die aarde is, of van wat in die waters onder die aarde is nie.

Eks 20:5  Jy mag jou voor hulle nie neerbuig en hulle nie dien nie; want Ek, die HERE jou God, is ‘n jaloerse God wat die misdaad van die vaders besoek aan die kinders, aan die derde en aan die vierde geslag van die wat My haat;

Eks 20:6  en Ek bewys barmhartigheid aan duisende van die wat My liefhet en my gebooie onderhou.

Eks 20:7  Jy mag die Naam van die HERE jou God nie ydellik gebruik nie, want die HERE sal die een wat sy Naam ydellik gebruik, nie ongestraf laat bly nie.

Eks 20:8  Gedenk die sabbatdag, dat jy dit heilig.

Eks 20:9  Ses dae moet jy arbei en al jou werk doen;

Eks 20:10  maar die sewende dag is die sabbat van die HERE jou God; dan mag jy géén werk doen nie—jy of jou seun of jou dogter, of jou dienskneg of jou diensmaagd, of jou vee of jou vreemdeling wat in jou poorte is nie.

Eks 20:11  Want in ses dae het die HERE die hemel en die aarde gemaak, die see en alles wat daarin is, en op die sewende dag het Hy gerus. Daarom het die HERE die sabbatdag geseën en dit geheilig.

Eks 20:12  Eer jou vader en jou moeder, dat jou dae verleng mag word in die land wat die HERE jou God aan jou gee.

Eks 20:13  Jy mag nie doodslaan nie.

Eks 20:14  Jy mag nie egbreek nie.

Eks 20:15  Jy mag nie steel nie.

Eks 20:16  Jy mag geen valse getuienis teen jou naaste spreek nie.

Eks 20:17  Jy mag nie jou naaste se huis begeer nie; jy mag nie jou naaste se vrou begeer nie, of sy dienskneg of sy diensmaagd, of sy os of sy esel of iets wat van jou naaste is nie.